Piloti i Ferrarit, Lewis Hamilton, ka shprehur besim të madh përpara garës së Monakos, duke deklaruar se karakteristikat e pistës mund t’i përshtaten në mënyrë ideale makinës së skuadrës italiane. Britaniku, i cili vjen pas një paraqitjeje të fortë në Kanada, theksoi se në rrugët e ngushta të Monte Carlos fuqia e motorit nuk është faktori vendimtar, çka sipas tij mund të favorizojë Ferrarin.
“Makina jonë mund të jetë shumë e fortë atje”, deklaroi Hamilton, duke shtuar se do të punojë ngushtë me inxhinierët për të gjetur konfigurimin ideal që nga seancat e para të provave. Shtatë herë kampioni i botës beson se Ferrari ka potencialin për të luftuar për pole position dhe për fitore në një nga garat më prestigjioze të sezonit.
Kjo deklaratë ka rritur optimizmin në kampin e Ferrarit, me Hamilton që synon fitoren e tij të parë me skuadrën italiane në rrugët legjendare të Monakos.
Lexo gjithashtu
