Paris Saint-Germain ka siguruar vazhdimësinë e një prej mesfushorëve më të rëndësishëm të skuadrës. Sipas gazetarit të njohur Fabrizio Romano, Fabian Ruiz ka arritur marrëveshjen për të firmosur një kontratë të re me kampionët e Francës deri në qershor të vitit 2029 dhe me opsionin e rinovimit edhe për një sezon tjetër.
Drejtuesit e klubit parizien e konsiderojnë mesfushorin spanjoll një element kyç të projektit afatgjatë. Pas paraqitjeve të tij bindëse në sezonet e fundit, Ruiz ka fituar besimin e plotë të trajnerit Luis Enrique dhe të klubit, duke u shndërruar në një nga lojtarët më të rëndësishëm në mesin e fushës.
Me këtë rinovim, PSG dërgon një sinjal të qartë se synon të ndërtojë të ardhmen rreth lojtarëve që konsiderohen thelbësorë për objektivat e klubit, ndërsa spanjolli do të vazhdojë të jetë pjesë e projektit parisien për të paktën katër sezonet e ardhshme.
View this post on Instagram
Lexo gjithashtu
