Për shkak se disa ekipe të Superiores në mesjavë do të zbresin në fushë për të luajtur çerekfinalet e kthimit në Kupën e Shqipërisë, java e 27-të e kampionatit do të luhet e ndarë në dy ditë.
Saktësisht të dielën dhe të hënën janë programuar të zhvillohen duelet e kësaj jave. Në javën e 27-të të kampionatit, Superiorja vjen gjithashtu me risi, teksa ndeshjet e mesditës nuk do të startojnë më në orën 13:30, por në orën 15:00. Këtë javë do të ketë përballje edhe në orën 18:00 dhe në orën 19:00.
Ekipet do të sfidohen mes tyre për 3 pikët e radhës, ndërsa mjaft të luftuara pritet të jenë në fushën e lojës. Kjo pasi Superiorja ka hyrë në fazën e saj më të “zjarrtë” dhe tashmë çdo pikë vlen shumë në rrugën drejt objektivave të skuadrave.
Kështu në javën e 27-të do të kemi këto përballje. Gjithçka do të startojë në dielën me sfidat Bylis – Vora dhe Tirana – Elbasani, takime që do të luhen paralelisht në orën 15:00 për të vazhduar më pas me ndeshjen e orës 18:00, ku Flamurtari pret Vllazninë.
Ditën e hënë janë rezervuar 2 përballjet e tjera, të cilat do të luhen paralelisht në orën 19:00. Dinamo pret Partizanin dhe Egnatia do të duelojë me Teutën.
NDESHJET:
Të dielën:
Bylis – Vora / 15:00
Tirana – Elbasani/ 15:00
Flamurtari – Vllaznia/ 18:00
Të hënën:
Dinamo – Partizani/ 19:00
Egnatia – Teuta/ 19:00
Lexo gjithashtu
