Ka rezultuar “dramë” e vërtetë ndeshja Vllaznia – Egnatia, e fituar 2 – 1 nga rrogozhinasit, ndeshje e vlefshme për Final Four. Pjesa e parë u mbyll me golin e Sotës në minutën e 39-të.
Goditja “vrastare” e mbrojtësit me kokë, shtangu ekipin shkodran. Fraksioni i dytë i lojës, mori “nota më të ndezura”.
Në minutën e 73-të, sulmuesi i Egnatias, Bakayoko, pasi mori topin e “falur” nga lojtarët e shkodranëve në zonën e rreptësisë, nuk e shfrytëzoi çuditërisht këtë rast me portën bosh.
Disa momente më vonë, Vllaznia barazoi me Qaton. Gjithsesi, kampionët nuk e humbën “logjikën” dhe kaluan sërish në epërsi, kësaj radhe me Adjessa.
Pikërisht, ky momet krijoi edhe sherr mes kampeve, aty ku nuk munguan 2 karton të kuq, i dyti i verdhë për Aleksin.
Te Vllaznia, u përjashtua Gurishta. Me këtë fitore, Egnatia i shkon shumë pranë titullit, duke sfumuar shanset e Vllaznisë, sikurse “djeg” Dinamon.
Vllaznia 1 – 2 Egnatia (Qato 77'/Sota 39', Adjessa 88')
90+16' - Përfundon ndeshja, Egnatia merr fitore me "aromë" titulli.
90+2' - Karton i dytë i verdhë për kapitenin Aleksi, del nga fusha me të kuq.
88' - Egnatia e papërmbajtshme, sërish në avantazh me Adjessa. Pas festimeve, plas sherri mes kampeve.
77' - "Zgjohet" Vllaznia, barazon me Qaton.
73' - E pabesueshme! Vllaznia i “fal” topin Egnatias brenda zonës, sulmuesi nuk shënon me portën bosh.
46' - Nis pjesa e dytë.
45+7' - Mbyllet pjesa e parë, po vendos goli i Sotës. Vetëm në këtë fraksion lojë janë marrë 5 karton të verdhë.
39' - Egnatia në epërsi, Sota bën sulmuesin, shënon gol "vrastar" me kokë.
30' - Egnatia pretendon për 11-metërsh, por artbitri ndëshkon për stimulim Grudën.
21' - "Përplasje" mes Balajt dhe Kryeziut, e "pëson" kapiteni i Vllaznisë.
1' - Shkelmohet topi i parë në stadiumin "Air Albania".
FORMACIONET ZYRTARE
VLLAZNIA: Pohls; Gurishta, Gjini, Pusi, Çelikovic, Yago, Dros, Krymi, Kallaku, Balaj, Dodaj.
Trajner: Edi Martini.
EGNATIA: Tandilashvili; Aliyev, Poçi, Xhemajli, Sota, Jaime, Kryeziu, Aleksi, Fernando, Bakayoko, Gruda.
Trajner: Nevil Dede.
Superiore: Final Four
Stadiumi: “Air Albania”
Arbitër: Enea Jorgji
Lexo gjithashtu
