Celtic u shpall kampion në Skoci pas fitores me shifrta 3-1 përballë Hearts. Mirëpo, këta të fundit nuk e pranuan diçka të tillë, duke dërguar një ankesë zyrtare në Federatë.
Sipas klubit në fjalë, tifozët e Celtic kanë pushtuar fushën pa mbaruar ndeshje, duke theksuar se pati ndalim të sfidës. Por, Federata Skoceze e Futbollit ua ka bërë të qartë që ndeshje ishte mbyllur nga arbitri dhe nuk kishte “pezullim” apo “ndalim”.
Madje Federata ka publikuar një video, ku dëgjohet qartë edhe biseda nga dhoma e teknologjisë VAR.
DEKLARATA E FEDERATËS SKOCEZE:
Ne lexuam përmbajtjen e deklaratës së Hearts dje dhe letrën shoqëruese të nënshkruar nga Kryetari i klubit, Callum Paterson. Në interes të transparencës, ne jemi të lumtur të paraqesim faktet.
Lidhur me referencat për një “përfundim të parakohshëm të ndeshjes”, drejtori i Federatës, Gary Bott, Kryetari i Arbitrave, William Collum, dhe Menaxheri i VAR, Martin Atkinson, shqyrtuan pamjet audio-vizuale të periudhës në fjalë të hënën me kërkesë të klubit, me pjesëmarrjen e z. Paterson.
Ndërsa ishte rënë dakord që ky takim të zhvillohej privatisht, deklaratat e fundit na kanë detyruar të marrim në konsideratë interesin publik në dhënien e sqarimeve dhe kronologjisë.
Për këtë qëllim, ne jemi të lumtur të publikojmë pamjet përkatëse audio-vizuale. Në atë takim u bë e qartë se zyrtari i ndeshjes, Don Robertson, ndërmori veprimin e duhur në përfundimin e ndeshjes.
Ne vërejmë se ka pasur spekulime në lidhje me fryrjen e një fishkëllime përfundimtare. The Laws of the Game kërkojnë që gjyqtari të sinjalizojë përfundimin e ndeshjes, por nuk përshkruajnë metodën e atij sinjali.
Në kontekstin e asaj që ndodhi, e cila është verifikuar nga pamjet filmike dhe Match Incident Report i dorëzuar Scottish Football Association, zyrtari i ndeshjes komunikoi qartë se ndeshja kishte mbaruar dhe jo ishte ndërprerë.
Për më tepër, ora e ndeshjes nuk ndalet kur shënohet goli. Pamjet filmike tregojnë se kur zyrtari i ndeshjes konfirmon se ndeshja ka mbaruar, minutat tregojnë 98:07, më shumë se koha minimale shtesë prej tetë minutash e sinjalizuar.
Gjithashtu, nga audioja ishte e qartë se ky vendim u mor pas dialogut me trajnerin kryesor të Hearts, i cili kishte shprehur shqetësime për sigurinë e lojtarëve.
Për të shmangur çdo dyshim, Law 5 i The Laws of the Game të IFAB thotë se “vendimet e gjyqtarit në lidhje me faktet që lidhen me lojën janë përfundimtare”.
Ne mbështesim plotësisht veprimin vendimtar të ndërmarrë nga Don Robertson dhe ekipi i tij për të përfunduar ndeshjen.
Lexo gjithashtu
