Në Kategorinë e Parë ka patur këtë javë 3 takime të cilët janë shtyrë, dy prej tyre për shkak të gjendjes jo të mirë të lojtarëve ku përmendim takimin Shënkolli - Bylis dhe Korabi - Kastrioti. Ndërsa ndeshja tjetër Tërbuni-Erzeni për shkak të reshjeve u ndërpre në pjesën e parë.
Në lidhje me këtë fakt, sekretari i garave në FSHF, Lysin Nurishim ka shpjeguar në një prononcim për RTSH edhe arsyet pse janë marrë masat e tilla dhe se ndeshjet e prapambetura do të luhen përpara përfundimit të fazës së dytë.
"Ekipi i Bylisit paraqiti raport mjekësor nga qyteti i Ballshit pasi shumica e lojtarëve nuk ishin në gjendje. Korabi dhe Kastrioti u zhvillua sot dhe kjo ndeshje u shty për 48 orë për shkak të gjendjes së lojtarëve të cilët gjithashtu nuk ndiheshin mirë.
Ndeshja Tërbuni-Erzeni do zhvillohet javën e ardhshme. Të gjitha takimet do të luhen pa përfunduar faza e dytë. Skuadrat e tjera nuk e kanë problem. Kur një ekip nuk e zhvillon dot ndeshjen nuk e detyrojmë dot. Zgjedhjet e FSHF nuk kanë sjellë shqetësime dhe ndeshjet janë zhvilluar pa incidente", përfundoi ai.
Lexo gjithashtu
