Superiorja është futur në periudhën e nxehtë, teksa është krijuar një ide paraprake për ekipet që do të luftojnë për “Final 4” apo mbijetesë. Ndërkohë që edhe vlerat e lojtarëve janë në ulje-ngritje.
Ndërkohë që sipas “Transfermarkt”, 11-shja më e vlefshme e Superiores me një formacion 4-2-3-1, është plot 5.6 milionë euro. Porta “blindohet” nga kampioni i Egnatias, Mario Dajsinani, vlera e të cilit është jo pak, por 400 mijë euro. Ndërkohë që po 400 mijë euro është edhe mbrojtësi i djathtë në këtë 11-she, Albion Marku i Partizanit.
Ndërkohë që në qendër janë Luciano Squadrone i Flamurtarit dhe Arbenit Xhemajli i Egnatias. I pari e ka vlerën 600 mijë euro, ndërsa Xhemajli 500 mijë të tilla. Ndërkohë që në krahun e majtë ësht Basilio Ndong i Tiranës, i cili vlen 350 mijë euro. Mesfusha përbëhet nga Gjergji Kote, me futbollistin e Partizanit që ka vlerën 350 mijë euro. Në krahun tjetër, partneri i tij vlen 450 mijë euro, i cili është Fernando Medeiros i Egnatias.
Treshja para mesfushës, janë Bernard Berisha (Dinamo), William Baeten (Flamurtari) dhe Rowan Human (Partizani). Dy të parët e kanë vlerën nga 600 mijë euro, ndërsa vetëm Human i Partizanit vlen plot 850 mijë euro me Partizanin që bën "zap" Superioren me lojtarin më të shtrenjtë në këtë formacion. Lista mbyllet me sulmuesin e Flamurtarit, Alessandro Bolzan, vlera e të cilit është 500 mijë euro.
Nga kjo 11-she sipas “Transfermarkt” bie në sy që Flamurtari mban vendin e parë përsa i përket vlerës, teksa 3 lojtarën e tij vlejnë 1.7 milionë euro. Ndërkohë që të 3 lojtarët Partizanit e kanë vlerën 1.6 milionë euro, duke zënë vendin e dytë në rang ekipesh.
Lexo gjithashtu
