Një moment tensioni u regjistrua në sfidën mes Bylisit dhe Dinamos, e cila përfundoi në barazimin 1-1.
Bëhet fjalë për mesfushorin Goudiaby, i cili u ndëshkua me të dytin e verdhë duke lënë të tijët me një lojtarë më pak, e që riktheu po ashtu baraspeshën numerike të lojtarëve në fushë, pasi dhe Përndreca plotësoi numrin e kartonëve në këtë përballje duke u nxjerrë jashtë nga gjyqtari.
Një faull i panevojshëm që solli dhe ndërhyrjen e kryesorit Barjamaj, i cili s'e kurseu as lojtarin e miqve në minutën 67-të. Kjo solli dhe nervozizmin e senegalezit të cilin e lanë nervat duke shfryrë ndaj të gjithëve, përfshi këtu dhe shokun e tij të skuadrës, mbrojtësin Bruno Dita i cili i kërkoi llogari për këtë veprim të pamenduar.
Goudiaby duhet të përballet kështu dhe pezullimin për ndeshjen e radhës si dhe me "qortimet" e trajnerit Ilir Daja i cili e quajti të papërgjegjshëm për mënyrën se si i mori kartonat.
Lexo gjithashtu
