Merkatoja siç tashmë jemi mësuar sjell shumë të papritura. Ditën e djeshme Tirana largoi Agim Ibraimin, me palët që mbyllën bashkëpunimin mes tyre vetëm pas 1 sezoni.
Por duket se bardheblutë tashmë e kanë gjetur drejtorin e ri sportiv. Dhe po është një emër mjaft i njohur në Shqipëri dhe në kryeqytet. Bëhet fjalë për Tefik Osmanin, i cili vetëm pas 2 sezonesh te Vllaznia do të rikthehet sërish te bardheblutë.
Mes Osmanit dhe Refik Halilit është arritur akordi, me palët që kanë gjetur edhe gjuhën e përbashkët për të bashkëpunuar sërish mes tyre. Eksperienca e korçarit bën që në kryeqytet të kenë besim te ndërtimi i skuadrës, aq më tepër që 39-vjeçari e njeh mirë ambientin bardheblu.
Siç dihet prej javësh Osmani ka qenë mjaft i përfolur në Vlorë për të marrë rolin e drejtorit sportiv, por duket se oferta dhe kushtet e ofruara nga Halili kanë bindur korçarin, i cili vendos kështu të rikthehet në kryeqytet.
Lexo gjithashtu
