Max Verstappen i Red Bull fitoi "pole position" për Çmimin e Madh të Britanisë pas një sesioni kualifikues emocionues të shtunën në Silverstone. Piloti australian i McLaren, Oscar Piastri, do të nisë garën nga vendi i dytë, përkrah holandezit në vijën e parë të nisjes.
Piastri mbajti përkohësisht "pole-in" deri në xhiron përfundimtare të Verstappen, i cili me një xhiro perfekte kaloi australianin për vetëm një të dhjetën e sekondës. Lando Norris dhe George Russell do të nisin garën nga rreshti i dytë.
Rreshti i tretë u rezervua për dy emrat e mëdhenj: Lewis Hamilton dhe Charles Leclerc, të cilët nuk arritën të sfidojnë për pozitat e para. Sipas Verstappen, kushtet e motit dhe era e fortë e bënë pistën veçanërisht sfiduese.
“Kjo është një pistë e vërtetë, ku duhet të jesh plotësisht i përkushtuar. Jemi të shpejtë, prandaj mezi presim garën e nesërme, është një nxitje e madhe për ekipin", tha katër herë kampioni i botës.
Lexo gjithashtu
