Skënderbeu është skuadra e parë nga dhjetë ekipet e Superiores që ka nisur fazën përgatitore në Slloveni. Shtatë herë kampionët e Shqipërisë nuk janë trembur nga vendimi që mund të marrë Komisioni i Etikës, përkundrazi kanë nisur merkaton verore duke afruar në ekip dy lojtarë cilësorë si Donjet Shkodra dhe Bruno Dita.
Një dënim me zbritje nga Kategoria do t'i penalizonte bardhekuqtë, megjithatë edhe ky fakt nuk i ka ndalur ata të nisin përgatitjet për Kupat e Europës dhe sezonin e ri. Së fundmi mësohet se drejtuesit e korçarëve janë pranë marrëveshjes edhe me dy lojtarë të tjerë, emrat e të cilëve nuk bëhen të ditur. Siç shihet te Skënderbeu kanë një projekt ambicioz me në krye trajnerin Ilir Daja.
Poll
Lexo gjithashtu
