Me përfundimin e sezonit në “Abissnet Superiore”, futbollistët kanë gjetur kohë për t’u shkëputur sadopak rutinës së përditshme, duke kaluar momente “relaksi”.
Kjo ka ndodhur me Valentino Murataj, Donald Mëllugën dhe Tedi Carën, të cilët kanë publikuar një foto në rrjetet sociale, teksa shijojnë një mbrëmje të këndshme.
Ky i fundit duket se është rikthyer në vendin tonë, teksa zërat e merkatos vazhdojnë të “gumëzhijnë” për të ardhmen e tij, pasi mesfushori i ka dhënë “duart” klubit të Oleksandryias që ra nga kategoria në kampionatin ukrainas.
Kujtojmë se Valentino Murataj ishte pjesë aktive e Partizanit në sezonin që sapo lamë pas, ndërsa Mëllugja aktivizohet për Burrelin në Kategorinë e Parë. Edhe 31-vjeçari e ka një të kaluar me "Demat" pasi ka luajtur në sezonin futbollistik 2021/22.
Lexo gjithashtu
