Joshua Kimmich është kthyer në temë diskutimi te Bayern Munich që në momentin që në pankinën e klubit gjerman u ul, Thomas Tuchel. Marrëdhëniet e këtij të fundit me mesfushorin nuk janë aspak të mira.
Kjo gjë ka shkaktuar edhe ‘përplasjen’ e lojtarit me trajnerin gjerman, teksa shpeshherë është përfolur edhe për një largim të mundshëm të Kimmich. Mesfushori 29-vjeçar po e mendon seriozisht largimin, pasi as drejtuesit dhe as lojtari nuk kanë synuar që të nisin diskutimet për rinovimin.
Kontrata e Kimmich me bavarezët përfundon në verën e vitit 2025, por klube të mëdha evropiane duan që ta transferojnë që në verën e këtij viti.
Skuadra si Barcelona, Manchester City, Arsenal, Real Madrid dhe Liverpool janë në pritje të zgjedhjes përfundimtare të gjermanit. 29-vjeçari në krahun tjetër në rast se Bayerni gjen një trajner solid dhe i premton projekt serioz për të ardhmen, mund të ndryshojë edhe mendjen e Kimmich.
Përsa i përket ofertave zyrtare, asnjë e tillë nuk ka shkuar në drejtim të Bayernit, me gjermanët që vështirë të pranojnë ta shesin për më pak se 80 milionë euro, edhe pse në kontrata e mesfushorit është vetëm edhe 1 vit e vlefshme.
Lexo gjithashtu
