Barcelona ka ndërmarrë një hap të rëndësishëm ligjor kundër presidentit të Real Madridit, Florentino Perez. Klubi katalanas ka konfirmuar zyrtarisht se ka nisur procedurat për ngritjen e një padie për shpifje.
Sipas deklaratës së klubit, shkak për këtë veprim janë bërë deklaratat e bëra nga Perez në një konferencë për shtyp më 12 maj dhe në një intervistë të dhënë një ditë më pas. Barcelona pretendon se këto deklarata përmbajnë të pavërteta që dëmtojnë imazhin dhe reputacionin e klubit.
Aktualisht, klubi ka bërë kërkesën e detyrueshme për pajtim, hapi i parë përpara ngritjes së një ankese penale për shpifje sipas nenit 205 të Kodit Penal.
Objektivi kryesor i kësaj lëvizjeje është që Florentino Perez të tërheqë publikisht deklaratat e tij. Barcelona ka bërë të qartë se, nëse kjo kërkesë nuk plotësohet dhe çështja nuk zgjidhet, ata do të vazhdojnë me paraqitjen e një ankese të plotë penale kundër presidentit të Real Madridit.
View this post on Instagram
Lexo gjithashtu
