Por pas humbjes (2-4) kundër Borussia Dortmund, askush nuk guxoi të qëndronte ulur ose të largohej nga stadiumi përpara ceremonisë së lamtumirës së Xabi Alonsos. Një ditë e veçantë që vështirë se do ta harrojë. Xabi Alonso mori mikrofonin në një moment për fjalët e tij të fundit si trajner i Bayer:
"Lamtumira për Jonathan Tah, për lojtarët e tjerë dhe gjithashtu lamtumira ime personale, ishin më të rëndësishme për mua sot sesa rezultati. Ishte ndeshja e fundit në shtëpi dhe të qenit në gjendje të ndiej këtë lidhje të veçantë me tifozët edhe një herë më bën shumë krenar.
Ashtu si me gjithçka që kemi përjetuar së bashku këtu, ky klub do të mbetet gjithmonë në zemrën time. Ndjej shumë emocione. Jam krenar për atë që kemi arritur këtu dhe mirënjohës për gjithçka që kemi ndërtuar.
Gjithmonë do të mbaj kujtime të bukura të kohës sime në Bayer, sepse këtu arrita të rritem si trajner. Ekipi, stafi dhe çdo lojtar më dhanë besim, ata besuan tek unë dhe në idetë e mia. Kjo ishte themelore për mua dhe për udhëtimin tim këtu”, tha Xabi.
Lexo gjithashtu
