Bayern Munich ka nisur kërkimet për zëvendësuesin afatgjatë të Manuel Neuer, i cili po i afrohet fundit të karrierës së tij me klubin bavarez.
Në krye të listës së portierëve të preferuar ndodhet Mike Maignan, gardiani i Milan, i njohur për paraqitjet e tij të qëndrueshme në elitën e futbollit europian.
Maignan është nën kontratë me Milanin deri në qershor të vitit 2026, por bisedimet për rinovim janë ngadalësuar kohët e fundit. Kjo situatë ka hapur rrugën për një lëvizje të mundshme gjatë verës së ardhshme, nëse palët nuk gjejnë një marrëveshje.
Në skenarin më optimist për klubet e interesuara, Maignan mund të largohet si lojtar i lirë në qershor 2026. Kjo ka shtuar interesin e Bayernit, që po përgatitet për të ardhmen e periudhës “post Neuer”.
Lexo gjithashtu
