Eliminimi nga UEFA Champions League ishte vetëm ngritja e siparit të problemeve te Barcelona. Distafa 4-0 në "Anfield Road" ndaj Liverpool është pasuar me një lajm të hidhur në kampin katalanas.
Sulmuesi kryesor, Luis Suarez ka dëmtuar meniskin e gjurit të tij të djathtë dhe është operuar. Lajmi bëhet i ditur nga vetë faqja zyrtare e klubit, që pohon se uruguajani i është nënshtruar një ndërhyrjeje kirurgjikale nga Dr. Cugat.
Në këtë situatë, 32 vjeçari ka mbyllur sezonin, pasi koha për tu rikuperuar është rreth katër deri në gjashtë javë. Kështu, sulmuesi i Barcelonës do të humbasë tre ndeshjet e mbetura në këtë sezon.
Ai do të mungojë kundër Getafe dhe Eibar në La Liga dhe finalen e Copa del Rey kundër Valencia më 25 maj në Sevilje. Në këtë sezon, Suarez ka qënë thjeshtë fantastik, duke realizuar 25 gola në 49 ndeshje të luajtura.
Lexo gjithashtu
