Ndeshja e Superligës së Turqisë mes Antalyaspor dhe Adana Demirspor ka parë një rast të veçantë. Japonezi Shoya Nakajima (28 vjeç) ka dalë nga loja pas vetëm 20 sekondave.
Ai u aktivizua në pjesën e dytë, me familjarët e tij që kishin udhëtuar nga Japonia për 9 mijë kilometra për të parë nga afër debutimin e tij në këtë sezon me Antalyaspor.
I blerë nga Porto për 12 milionë euro tre vite më parë, këtë verë ai kaloi te Antalyaspor. Në ditën që do duhej të ishte e rëndësishme për të, sulmuesi anësor u ndëshkua me karton të kuq pas 20 sekondave kur u fut në fushë.
Nga krenaria që kishte kur i biri hyri në fushë, e ëma dhe familjarët u panë në lot pas kartonit të kuq. Në fund Adana fitoi 0-3, me Nakajima që duhet ta harrojë sa më parë këtë ndodhi.
Lexo gjithashtu
