Walid Jarmouni nuk do të jetë më pjesë e ekipit të Tiranës. Sulmuesi francez, i cili ishte numri “një” i ekipit dhe protagonist absolut sezonin e shkuar, ka vendosur që të mbyllë aventurën e tij me bardheblutë.
25-vjeçari është transferuar në Marok, tek ekipi i Hassania. Me këta të fundit, sulmuesi ka firmosur kontratë 3-vjeçare. Ndërkohë që largimin nga Tirana e ka bërë të ditur me anë të një njoftimi në rrjetet sociale.
Postimi i Walid Jarmouni:
Të dashur mbështetës,
Të dashur anëtarë të klubit,
Pas një sezoni me ngjyrat e KF Tirana, është koha që unë të kthej faqen dhe të ndërmarr një sfidë të re në karrierën time.
Dua të falënderoj sinqerisht klubin, stafin, shokët e mi të ekipit dhe të gjithë mbështetësit për këtë vit të mrekullueshëm që kalova pranë jush. Që nga dita e parë, u prita me ngrohtësi dhe respekt, gjë që më lejoi të ndihesha menjëherë si në shtëpi.
Ky sezon në Tiranë ka qenë i pasur si personalisht ashtu edhe profesionalisht. Jam rritur si lojtar, por më e rëndësishmja si person dhe gjithmonë do të mbaj kujtime të veçanta të këtij kapitulli në karrierën time.
Faleminderit tifozëve për mbështetjen tuaj të vazhdueshme - në momentet e mira dhe ato më të vështira. Ju jeni shpirti i këtij klubi dhe pasioni juaj bën gjithë ndryshimin.
Largohem nga Tirana me një zemër plot mirënjohje dhe i uroj klubit gjithë suksesin që meriton në sezonet që vijnë.
Shihemi së shpejti,
Me respekt dhe mirënjohje.
View this post on Instagram
Lexo gjithashtu
