Pas largimit të trajnerit Edlir Tetova nga “timoni” i Egnatias, klubi rrogozhinas nuk ka humbur kohë, duke prezantuar trajnerin e ri, fjala është për Nevil Deden.
Gjatë prezantimit, Dede ka kryer “rutinën”, firmosjen e kontratës dhe shtërngimin e duarëve me presidentin Agim Demrozi. Po ashtu, ish-trajneri i Ferizajt vizitoi edhe kabinetin e trofeve dhe fushën e Egnatias.
Imazhi që ra në sy, përkoi me prekjen e “artë” të trofeve të Superiores dhe Kupës së Shqipërisë. Pas 34 javësh në kampionat, ekipi rrogozhinas mban vendin e 3-të në tabelë, pas Elbasanit dhe Vllaznisë, ndërsa në finalen e Kupës, i pret Dinamo e Ilir Dajës.
Edhe pse me shumë gjasa Dinamo do të jetë në Final Four, duke marrë parasysh trendin e rezultateve të fundit, gara për titullin do të vendoset mes Elbasanit, Vllaznisë së Shkodrës dhe Egnatias, ndërsa “blutë” dinamovitë janë larg, pavarësisht se do funksionojë me “formulën” e përgjysmimit të pikëve.
View this post on Instagram
Lexo gjithashtu
