Vllaznia nuk ia doli që të rikthente titullin kampion në Shkodër, gjë e cila mungon prej 24 vitesh. Kuqeblutë u mposhtën në finalen e titullit nga Egnatia, me rrogozhinasit që triumfuan 4-0 ndaj shkodranëve.
Në mbështetje të Vllaznisë, udhëtuan shumë tifozë nga Shkodra në kryeqytet, për të qenë lojtari i 12-të i kuqebluve. Për këtë klubi ka bërë një postim në rrjetet sociale, ku shkuan se pavarësisht se humbën finalen, tifozët ishin të jashtëzakonshëm.
“U munduam të bëjmë më të mirën në finalen e madhe, por nuk ia dolëm. Megjithatë tifozët kuqeblu e fituan finalen e tyre. Ashtu si përherë, të jashtëzakonshëm në mbështetjen e Vllaznisë së tyre të zemrës, edhe mbrëmë e treguan veten. Ajo që mund të bëjmë në këto momente është t'u kërkojmë falje për zhgënjimin që ju krijuam.
#KrenarPërJuTifozët???????? “, ka shkruar klubi kuqeblu në rrjetet sociale.
View this post on Instagram
Lexo gjithashtu
