Trajneri i Partizanit, Mladen Milinkovic ka “analizuar” duelin e nesërme, ku “Demat e Kuq” do të presin Teutën në “Arenë e Demave”, duke filluar nga ora 20:00.
“Timonieri” serb ka marr “leksion” nga dueli i parë me Vorën dhe shpreson se skuadra do reagojë pozitivisht. Po ashtu, 57-vjeçari ka folur edhe për situatën e Bintskukës:
“Gjendja ekipit përpara ndeshjes me Teutën?
Për ne e rëndësishme ishte që në ndeshjen e parë të merrnim 3 pikët dhe menjëherë kemi filluar përgatitjet për ndeshjen e radhës. Gjatë kësaj jave të gjithë lojtarët ishin të gatshëm. Nëse pyet për Bintsukën, është në formë më të mirë tani. Gjatë kësaj kohe kishte humbur përgatitjet, ndoshta mund të jetë nesër me skuadrën.
Mendoni të ndryshoni diçka për takimin ndaj Teutës?
Mendoj se nuk e nisëm mirë pjesën e dytë ndaj Vorës. I lam ata të luajnë, na vunë në presion dhe kishin disa mundësi të mira për të shënuar. Sigurisht që nuk më pëlqen që skuadra ime të luaj në këtë mënyrë. Në ndeshjen e nesërme do të përpiqemi të bëjmë më mirë gjë të cilën e bëmë në pjesën e parë ndaj Vorës. Sigurisht që nuk jemi në momentin tonë më të mirë, është vetëm fillimi.
Shpresoj se pas pushimit të kampionatit do të bëjmë shumë më mirë. Kjo është diçka që duhet ta mendojmë pas ndeshjes, tani përpara ndeshjes duhet të fokusohemi vetëm te sfida e nesërme. Të përpiqemi të marrim 3 pikë të tjera dhe më pas të mendojmë për gjithë gjërat e tjerat.
Të rinjtë?
Ka shumë lojtarë që janë me ne. Zakonisht në stërvitje janë 25-26 dhe 5-6 shumë të talentuar, por duhet të jesh shumë i durueshëm me ta. Më pëlqen të punoj me lojtarë të rinj, t’u jap mundësi, por çdo gjë duhet të vijë me kohën. Për momentin janë me ne, por disa prej tyre si Qokthi që mori mundësinë, të gjithë do e kenë një mundësi gjatë vitit për të treguar veten.
Janë e ardhmja, thjesht e përsëris që nuk mund të ushtrosh shumë presion tek ata dhe nuk mund të presësh sepse janë të rinj. Kemi kohë, dhe besojmë tek ata. Besoj se disa prej tyre, nëse jo këtë sezon, në tjetrin do jenë lojtarë shumë të rëndësishëm për Partizanin.
Sa informacion keni për Teutën?
Nuk luajtën në ndeshjen e parë, ndeshjen e fundit e patën rreth 2 javë më parë. Kanë ndryshuar shumë lojtarë. Me informacionin që kemi, kanë lojtarë shumë të mirë. Pyetja është nëse janë kompakt, por nuk pres ndeshje të lehtë. Shumë lojtarë nga sezoni i ri dhe ato që kanë ardhur kanë kualitet.
Ndoshta kanë pak avantazh sepse na panë neve. Besoj te lojtarët tanë dhe do jenë në nivel të mirë dhe do kërkojnë 3 pikë si me Vorën. Dhe shpresojmë të gjithë për më të mirën”.
Lexo gjithashtu
