Rikthim te fitorja kundër Vllaznisë, jep “sinjale” se Flamurtari nuk është “dorëzuar” për qendrimin në Superiore. Pas 27 javësh Superiore, vlonjatët shkojnë në kuotën e 24 pikëve, duke lënë përkohësisht vendin e fundit në tabelë dhe shpresuar te vazhdimësia.
Diferenca me Bylisin e vendit të 7-të, pozitë që të mundëson mbijetesën në Superiore është vetëm 3 pikë, çka do të thotë se gjithçka mbetet e hapur, ndërsa janë në lojë edhe 9 javë të tjera, e përkthyer me 27 pikë të mundshme. Trajneri i Flamurtari Andi Ribaj foli për mediat pas sfidës në fjalë:
“Ky 3 pikësh na jep shumë besim për vazhdimësinë. Blloku i mesëm në pjesë e dytë? I thashë lojtarëve ta mbanim topin, ta qarkullonim. Nga situata që kemi në renditje, ishim gati të fitonim në çdo llojë mënyre. Tërheqja pas minutës së 60-të? Siç e thashë edhe më parë, presioni për pikë bën të vetën.
Presioni me Maksutin dhe Bolzan ishte që të godisnim ndeshjen, pra të gjenim golin e dytë, ama nuk ndodhi. I falënderojë djemtë për këtë ndeshje që dhuruan sonte. Sfida e radhës me Elbasanin?
Edhe Elbasani ka një ekip shumë të mirë, janë pragmatist. Dua që duelin e ardhshëm të marrim maksimumin. Trajneri deri në fund të sezonit? Nuk e di, duhet të pyesin drejtorin e ekipit. Nuk di asgjë, po e them parap”.
Lexo gjithashtu
