Partizani do të presë Skënderbeun në “Arenën e Demave”, sfidë që do të luhet ditën e shtunë në orën 16:00 dhe që është e vlefshme për javën e 34-të të Superores. Demat vijnë pas fitores në derbi ndaj Tiranës dhe janë me moral të lartë për të siguruar një tjetër 3 pikësh.
Po fitore sigurun edhe korçaret ndaj Erzenit dhe ndaj të kuqve në kryeqytet janë të dënuar për 3 pikët që do t’i mbanin në “Final – four” për të shpresuar më pas te ndalesa e Tiranës dhe Dinamos. Ndërkohë interesante është përballja mes Orges Shehit dhe Ivan Gvozdenovic.
Dy timonierët janë përballur mes tyre 2 herë, teksa secili ka mundur të fitojë nga një ndeshje. Dueli i së shtunës mes tyre është i 3-ti kundër njëri –tjetrës, teksa do të luftojnë “kokë më kokë” për 3 pikët e radhës.
Vlen të theksohet se Partizani nuk ka mundur të fitojë asnjë ndeshje këtë sezon ndaj korçarëve, pasi në dy sfidat e zhvilluara në Korcë, Skënderbeu ia ka dalë të fitojë 1-0 ndaj tyre, ndërsa në ndeshjen e zhvilluar në kryeqytet janë ndalur në barazim. Mbetet të shihet në favorin e cilës skuadër do të jetë rezultati i së shtunës.
Lexo gjithashtu
