Skuadra e Bylistit në prag të sezonit të ri në Superligën shqiptare, ka zyrtarizuar afrimin më të ri në merkaton e verës. Fjala është për Mohamed Mousa Koita. Futbollisti 18 vjeçar vjen nga Mali, shtet në Afrikë dhe ka si pozicion natyral mbrojtës qendre.
Klubi i Bylisit e konsideron këtë afrim si majft premtues për të ardhmen, marrë shkasë edhe nga mosha e Koita. “Zyrtare! FK BYLIS ka kënaqësinë të njoftojë zyrtarizimin e mbrojtësit të qendrës nga Mali, Mohamed Mousa Koita.
Lojtari i datëlindjes 3 Nëntor 2006, vjen në klubin tonë pas eksperiencës në kampionatin tunizian dhe është me mjaft perspektivë, duke u konsideruar si një afrim i goditur në prapavijën tonë, për të tashmen por edhe për të ardhmen. I urojmë mirëseardhjen mbrojtësit shtatlartë Mohamed Koita dhe suksese me fanellën tonë”, shkruhet në postimin e klubit të Bylisit.
Lexo gjithashtu
