Egnatia do të presë në shtëpi skuadrën e Teutës për të bërë mes tyre llogaritë e javës së 9-të të Superiores. Sfidë kjo që do të startojë në orën 14:00 dhe që premton të jetë mjaft e luftuar.
Rrogozhinasit do të synojnë një tjetër fitore në shtëpinë e tyre, ku pas triumfit me Skënderbeun kërkojnë edhe “kokën” e durrsakëve. Edlir Tetova për këtë takim do të ketë mungesa dhe rikthime të rëndësishme.
Kështu nuk do të mund të llogaritë shërbimet e Renato Malota dhe Albano Aleksi. Të dy futbollistët do të mungojnë për shkak kartonësh dhe në këtë takim do të jenë të pezulluar. Ndërkohë rikthehen Xhemajli, Fangaj dhe Dylis.
Të 3 lojtarët kanë hedhur prapakrahëve dëmtimet dhe falë edhe pauzës së kampinëtit për shkak të sfidave të Kombëtares janë rikuperuar në kohë. Tetova tashmë ka 3 lojtarë më shumë për sfidat e ardhshme në Superiore.
Lexo gjithashtu
