Dinamo nuk ka ndërmend të ndalet, pasi “groposi” Hajduk Split në Conference League. Objektivi i radhës për ekipin e Ilir Dajës është Jagiellonia. Daja gjatë një konference përshtyp në transfertën polake ka përgëzuar rivalin, ndërsa është ndalur edhe te plani se si do të zëvendësojë hendekun e lën nga largimi i Zabërgjas dhe Mandela në fazën ofesive: “Po e filloj me një kujtesë afatshkurtër, që Jagiellonia ka bërë shumë mirë vjet në Conference League, ku në dijeni time është eliminuar në çerekfinale.
E di që është nga ekipet më të forta të Polonisë dhe bën një futboll të mirë gjatë fazës mbrojtëse dhe në sulm, kjo si meritë e trajnerit dhe stafit të tij. Kanë gjithmonë të pranishëm lojtarin e 12-të, publikun. Dihet se klubet që dalin deri në ‘play off’-in e Confernce League janë ekipe që e meritojnë dhe një nga këto është edhe Jagiellonia. Pra, përballë do të kemi një ekip të fortë dhe për të bërë ne punën tonë, duhet të sakrifikojmë shumë.
E falënderoj kolegun për fjalët që ka thënë. Edhe ne jemi një ekip me histori e traditë në futbollin shqiptar, por që rikthehemi në Europë pas disa vitesh mungesë. Mandela dhe Zabërgja? Janë dy lojtarë që kanë qenë golashënuesit tanë më të mirë në sezonin e fundit dhe futbollistë shumë të rëndësishëm për ne. Por, tashmë ne u kemi uruar suksese në klubin e ri ku kanë shkuar në Ukrainë. Ndonëse koha është e shkurtër, duhet të mësohemi se ata nuk janë më pjesë e skuadrës sonë.
Së fundmi, kemi bërë një afrim në merkato, që nesër mund të jetë pjesë e lojës (Bernard Berisha), si në start dhe gjatë zhvillimit të sfidës. Do të mundohemi që sa i përket pjesës së lojës, t’i zëvendësojmë sa më mirë të jetë. Çdo tur ndryshon nga turi tjetër, ashtu siç ndeshjet ndryshojnë nga njëra-tjetra.
Hajduku dhe Jagiellonia janë dy ekipe të forta, po se ku dallojë do të preferoja që të mos i citoja, sepse nesër do ta kemi kundërshtar Jagiellonian. Të gjitha energjitë psikofizike ne i kemi te ndeshja e radhës, jo te e kthimit. Pasi nga kjo varet edhe si do të dalë rezultati. Nëse marrim një rezultat pozitiv, padyshim do të kemi më shumë tifozë. Në të kundërt, mund të ndodhë situatë tjetër”.
Lexo gjithashtu
