Dy titullarët e Bylisit janë operuar ditën e djeshme. Serxhioo Emini dhe Paolo Kasmollari kanë kaluar me sukses ndërhyrjen në pjesën e gjurit.
Lajmin e ka zbuluar vetë klubi nëpërmjet një postimi në rrjetet sociale. Klubi u uron shërim sa më të shpejtë futbollistëve dhe rikthim të shpejtë në fushë. Nuk dihet ende koha e rikuperimit të tyre dhe mbetet të shihet se si sa kohë do t’u duhet të shërohen dhe të zbresin në fushën e lojës.
“Emini e Kasmollari kalojn me sukses operacionin!
Dy djemt e FK Bylis, Serxhio Emini dhe Paolo Kasmollari, iu nënshtruan një operacioni sot. Gjendja shëndetësore e Eminit e Kasmollarit paraqitet optimale dhe po monitorohen nën kujdesin edhe të stafit mjekësor.
FK Bylis iu uron shërim dhe kthim sa më të shpejtë në fushat e blerta!”, shkruan klubi ballshiot. Ndërkoihë kujtojmë se Emini dhe Kasmollari do të jenë mungesa të rëndësishme për Nevil Deden në sfidat e ardhshme, me timonierin që duhet të bëjë për disa javë pa shërbimet e tyre.
Lexo gjithashtu
