Në 5 ndeshjet e fundit të Superiores, skuadra e Dinamos është zhytur në krizë të pakuptimtë. Është pikërisht i njëjti ekip që “dërrmoi” Vllazninë në javën hapëse të këtij sezoni apo fitoret e derbit të kryeqytetit ndaj Tiranës dhe Partizanit.
Në 5 ndeshjet e fundit të Superiores, grupi i Ilir Dajës ka vetëm 1 fitore, 3 barazime dhe 1 humbje, 4 ndeshje radhazi pa sukses. Jo vetëm që dinamovitët nuk po marrin rezultat, por nuk po bindin as me lojë.
Shembulli më i qartë vjen nga dy ndeshjet e fundit, konkretisht kundrejt Elbasanit në “Air Albania” dhe Bylisit në “Adush Muça”. Si skuadra elbasane dhe ballshiote ishin dominuese në lojë ndaj një ekip që pretendon të fitojë titullin në elitën e futbollit shqiptar.
Po në segmentin e 5 sfidave pararendëse, Dinamo ka vetëm 3 gola të shënuar, tregues se sulmi është në rendiment shumë të ulët, as 1 gol për ndeshje. Takimi i radhës është kundër Tiranës dhe një tjetër rezultat negativ do rëndojë akoma më tepër gjendjen te “Blutë”.
Lexo gjithashtu
