Ditën e sotme CSKA Sofia zyrtarizoi transferimin e Kevin Dodaj nga Vllaznia. Talenti 19-vjeçar do të luajë për herë të parë në një kampionat jashtë Shqipërisë.
Gjithashtu edhe klubi shkodran ka bërë të ditur largimin e Kevin Dodajt nëpërmjet një postimi në rrjetet sociale. Vllaznia i ka uruar suksese 19-vjeçarit në aventurën e re.
Njoftimi i Vllaznisë për Dodajn:
Faleminderit Kevin!
KF Vllaznia bën të ditur se ka arritur një marrëveshje me klubin bullgar CSKA Sofja për transferimin e futbollistit Kevin Dodaj.
Një djalë i rritur në familjen kuqeblu, e që vendosi gjithmonë zemrën në fushën e lojës. Jemi krenarë për rrugëtimin tënd dhe të falënderojmë për çdo moment me këtë fanellë.
Suksese në sfidën tënde të re, Kevin! — Shkodra do të jetë gjithmonë shtëpia jote!
Lexo gjithashtu
