Tirana do të luajë një nga ndeshjet më të rëndësishme në këtë sezon. Ditën e dielë në orën 19:00 do të presin rivalin e tyre të përjetshëm, Partizanin. Siç jemi mësuar tashmë, derbet janë sfida më me emocion dhe rivalitet në futbollin shqiptarë, ku spektakli është i garantuar.
E kur jemi 6 ditë para kësaj përballjeje te Tirana janë në “qiellin e shtatë”. Kjo pasi siç dihet tashmë kryeqytetasit janë “falur” dhe ndaj rivalit të tyre të përjetshëm do të kenë edhe lojtarin e 12-të.
Padiskutim një “armë” më shumë për bardheblutë, të cilët do të tentojnë rikthimin te fitorja në derbi për të ngjyrosur “Bardh e Blu” gjithë kryeqytetin. Gugash Magani i vetëdijshëm për rëndësinë e këtij takimi ka nisur përgatitjet për “Demat”.
Lajm i mirë për të përveç rikthimit të tifozëve në stadium është se për këtë përballje do të ketë të gatshëm të gjithë lojtarit. Timonieri peqinas ka grupin e plotë dhe do të ketë “luksin” e zgjedhjeve të më të mirëve për t’i zbritur në fushë.
Lexo gjithashtu
