Ditën e sotme, prej orës 16:00, të të zhvillohen 5 ndeshje në Superiore (të gjitha), java e 34-të, aty ku mund të vendoset shumëçka për fatet e sezonit. Dinamo pret në shtëpi Egnatian.
Fakti që “blutë” janë në garë me Partizanin për Final Four, rrit presionin te ekipi i Ilir Dajës për të “siguruar” 3 pikët. Partizani do ketë përballje “zjarri” në “Arena e Demave” karshi Flamurtarit.
Për “Demat e Kuq”, nuk pranohen më “justifikimet”, pas disa rezultatesh negative radhazi. Kurse në kampin e vlonjatëve, humbja i rrëzon automatikisht në Kategorinë e Parë.
Teuta “përplas brirët” me Tiranën në “Niko Dovana”, takim delikat për të dyja kampet. Bylis kërkon befasinë në Shkodër ndaj Vllaznisë, kurse Vora nuk ka “shpëtim” përveç 3 pikëve në shtëpi kundër Elbasanit kryesues.
