Për Vllazninë e sotmja është një ditë feste. Tifogrupi më i madh i skuadrës shkodrane, Vllaznit Ultras festojnë 20-vjetorin e krijimit.
E në këtë ditë, nuk kishte sit ë mungone në urim special nga klubi. Nëpërmjet një postimi në rrjetet sociale, klubi ka uruar mbështetësit e skuadrës, duke nënvizuar se po i qëndrojnë besnik ekipit prej 20 vitesh.
Gjithashtu shkruajnë se brez pas brezi gjithmonë janë krenarë për përkushtimin dhe pasionin që nuk u shua kurrë.
“20 VJET VLLAZNIT ULTRAS”
20 vite pasion.
20 vite besnikëri pa kushte.
20 vite zë që nuk u shua kurrë.
Vllaznit Ultras janë zemra që rreh në tribunë, zëri që nuk hesht në ditë të vështira dhe forca që e shtyn ekipin përpara në çdo betejë.
Nga brezi në brez, nga fitoret te sfidat – gjithmonë pranë Vllaznisë.
Respekt për historinë tuaj.
Mirënjohje për përkushtimin.
Krenari për ngjyrat kuq e blu.
Vllaznia është më shumë se klub – është identitet.
Gëzuar 20-vjetorin, Vllaznit Ultras!”, ka shkruar klubi shkodran. Vlen të theksohet se ditën e nesërme Vllaznia do të duelojë me Tiranën në Klasiken e Shqipërisë, duel ky që do të luhet në “Selman Stërmasi” në orën 13:30. Ndërkohë aktualisht nuk po kalojnë aspak një moment të mirë në kampionat, ku prej 5 javësh nuk e njohin fitoren në Superiore.
View this post on Instagram
Lexo gjithashtu
