Përpara sfidës në Champions midis Tottenham dhe Milanit ka folur legjenda e Milanit, Andriy Shevchenko. Për “Gazzetta dello Sport” ukrainasi u shpreh optimist për kualifikimin e kuqezinjve. Ai beson që Milan ka gjithë aftësitë e duhura për të kaluar më tej duke e vënë theksin te kualiteti i Leaos.
“Pres që Leao të jetë në gjendje të luajë rolin e timonierit”, shprehet Shevchenko. “Ai ka të gjitha cilësitë për të qenë vendimtar në nivelet më të larta. Është koha që ai të bëjë diferencën edhe në Champions League: ka shumë për të dhënë dhe mund të rritet edhe më shumë.
Për shembull, të jetë më i pranishëm në të gjitha fazat e ndeshjes, më i mprehtë me lojërat e tij, më shumë lider në çdo gjë. Unë gjithashtu mbështes De Ketelaere, një ndeshje e shkëlqyer do ta zhbllokojë atë”, ka përfunduar Shevchenko.
Lexo gjithashtu
