Bayer Munich ia doli të përmbysë Lazion në sfidën e kthimit të 1/8-ave dhe të kualifikohet në çerekfinalen e Champions League. Bavarezët fituan në shtëpi me shifrat 3-0 dhe vazhdojnë në fazën tjetër me rezultat të përgjithshëm 3-1.
Pas kualifikimit ishte shumë i lumtur Thomas Tuchel, i cili theksoi se kjo është skuadra e tij. Ndër të tjera ka deklaruar se ekipi i tij ishte shumë i përqendruar ëpr të arritur objektivin dhe tashmë do të tentojnë t’i shkojnë deri në fund këtij kompeticioni.
“Kishim pritshmëri të mëdha, donim të kualifikoheshim me çdo kusht në çerekfinale. Objektivi i parë ishte të shënonim gola. Nuk e humbëm kurrë toruan dhe as përqendrimin.
Ndërkohë që minutat kalonin ne po arrinim të gjenim hapësira dhe shënuam në momentin e duhur. E merituam fitoren. Sonte (dje) festohet, le ta shijojmë këtë mbrëmje.
A ëndërroj të fitoj Champions League? Të gjithë skuadrat që mbërrijnë në çerekfinale ëndërrojnë. Klubet, tifozët, gjithashtu edhe unë… “, u shpreh Tuchel.
Lexo gjithashtu
