Trajneri i Ballkanit, Ilir Daja, foli në konferencën për shtyp përpara ndeshjes ndaj Larnës, e cila do të luhet sot në orën 20:45 në ‘Fadil Vokrri’, e vlefshme për raundin e dytë kualifikues të Conference League. Daja thotë se skuadra duhet të jetë në formën më të mirë për të përballuar këtë ndeshje ndaj një rivali të vështirë.
“Luajmë ndaj një ekipi të cilin nuk e njohim mirë. Në ndeshjet europiane nuk ka takime të lehta apo të vështira, duhet të jesh në formën më të mirë duke përfshirë komponentë tekniko-taktike, por duhet të jesh mirë edhe sa i përket gjendjes shëndetësore. Kundërshtari është i vështirë, ka mënyrën e vet të lojës, por ne do të mundohemi të bëjmë më të mirën tone duke ditur që do të kemi mbështetjen e publikut”, tha Daja.
Kujtojmë që nëse Ballkani kualifikohet, në raundin tjetër do të përballet me Lincoln Red Imps.
Lexo gjithashtu
