Ai është aktivizuar me ekipe si Partizani, Tirana dhe Dinamo në futbollin tonë por më shumë në opinionin jo sportiv njihet si një nga miliarderët e vendit tonë. Fjala është për Fatmir Hysenbelliu. Së fundmi Oni siç e thërrasin është parë të jetë i pranishëm në "Allianz Stadium".
Hysenbelliu njihet si një tifoz i "çmendur" i Juventusit dhe ai ka qenë i pranishëm në Torino për të parë bardhezinjtë përballë Barcelonë në ndeshjen e Champions League. Është vetë Hysenbelliu i cili me anë të një fotoje të postuar në profilin e tij në Instagram që tregon praninë e tij në stadiumin e Juventusit. Megjithatë ish-futbollisti i Tiranës dhe Partizanit mund të ketë mbetur " i zhgënjyer" nga rezultati 0-0 që Juventus arriti kundër Barcelonës.

