Lionel Messi është “rikthyer” në Barcelonë. Në fakt jo për të luajtur në “Camp Nou” por është rikthyer ta kujtojë skuadrën nga ku pati vitet më të suksesshme në karrierën e tij. Sulmuesi argjentinas ka dhënë një intervistë për “Universo Valdano”, e cila do të transmetohet e plotë mbrëmjen e sotme me gazetarin Jorge Valdano, ku “Pleshti” foli për Barçën e 2015 ku arriti të fitonte edhe tripletën dhe marrëdhënien e tij me ish-trajnerët. “Kisha një marrëdhënie spektakolare me të (Luis Enriquen), i thamë të qëndronte. U ktheva nga Argjentina pas pushimeve dhe luajtëm më 2 ose 3 janar, nuk më kujtohet saktësisht unë përfundova në stol dhe patëm një debat që zgjati “pak”… por më pas kishim një marrëdhënie spektakolare deri në ditën e fundit, kur ai vendosi të largohej dhe i thash të rrinte, të mos ikte se ishim mirë”, rrëfeu Messi për Luis Enriquen. Ndërkohë nga ana tjetër kapiteni i Argjentinës nuk kishte si të linte pa përmendur edhe Pep Guardiolën, për të cilin është shprehur se i ka bërë shumë “dëm” futbollit, pasi shumë skuadra dhe trajnerë të tjerë janë munduar ta “imitojnë” lojën  e tij, teksa thekson se ka një mënyrë tëë veçantë të të lexuarit të lojës dhe komunikimin me lojtarët.

❗️Messi quería que Luis Enrique se quedara: "Tuve una relación especial con él. Le decíamos que se quedara". #UniversoValdano, este lunes a las 22:00 en @vamos. pic.twitter.com/EOydTTgI0a

— Fútbol en Movistar Plus+ (@MovistarFutbol) November 13, 2022