Sot u mbyll sezoni i Kategorisë së Parë me një finale dramatike në Korçë, ku Laçi triumfoi 0-1 ndaj Skënderbeut. Ky triumf i kurbinasve erdhi falë një goli në minutën 90+6' nga Arlind Kurti, duke siguruar titullin kampion në momentet e fundit.
Por si përjetua ky moment në tribunën VIP?! Presidenti i klubit të Laçit, Pashk Laska e përjetoi golin në “frymën e fundit” shumë i qetë, krah kreut të FSHF-së, Armand Duka, madje duke shkëmbyer edhe batuta me njëri-tjetrin.
Në krahun tjetër, homologu i Laskës, Ardjan Takaj e shoqëroi me një veprim 180 gradë ndryshe. Numri një i klubit korçar u kap nga kamera kryesore, i stresuar dhe gati në lot, duke vështruar se si ekipi i tij që mbajti aq gjatë kreun në kampionat, “fali” titullin në sekondat e fundit.
Siç dihet, Skënderbeu dhe Laçi janë dy skuadrat që ngjiten në Superiore për sezonin e ardhshëm futbollistik. Të dy ekipet ranë në Kategorinë e Parë sezonin e shkuar, por u mjaftoi një vit, për t’u rikthyer në elitë, me meritë të plotë.
Momente pas golit të Arlind Kurtit
Lexo gjithashtu
