Laçi nuk ia doli të siguronte dot mbijetesën dhe pas disa vitesh bien në Kategorinë e Parë, ku në këtë kampionat do të luajnë sezonin e ardhshëm. Por pavarësisht se nuk mbijetuan në elitë, kurbinasit në “gjirin” e tyre kanë lojtarë shumë cilësorë.
Pas rënies në Kategorinë e Parë, bardhezinjtë rrezikojnë të “boshatisen”. Disa prej futbollistëve kërkohen nga skuadrat e Superiores. Saktësisht është Elbasani që u ka shkelur syrin” 2 prej tyre.
Kleandro Lleshi dhe Agan Mjaki janë të “piketuarit” e verdhebluve. Drejtuesit janë të gatshëm t’i transferojnë në Elbasan për sezonin e ri. Eksperienca e dy ish-ëve të Kombëtareës U-21 bën që Ivan Gvozdenovic t’u besojë për sezonin e ri.
Kalimi i Lleshit nga Laçi te Elbasani nuk duket i vështirë, pasi 25-vjeçarit i përfundon kontrata me bardhezinjtë, por më problematik është transferimi i Mjakit. Ky i fundit ka edhe 1 vit kontratë me kurbinasit dhe mbetet të shihet se cila do të jetë formula që Elbasani do të zgjedhë për të bindur drejtuesit e Laçit.
Lexo gjithashtu
