Bylis – Elbasani me shumë gjasa nuk do të luhet në “Adush Muça”. Sipas programit kjo sfidë duhet të zhvillohet në Ballsh në orën 16:0- ditën e mërkurë, por kjo përballje duket më shumë drejt “Elbasan Arena”.
Skuadra e Nevil Dedes është shpallur kampione e Kategorisë së Parë 1 javë para fundit të kampionatit dhe kjo ka bërë që drejtuesit elbasanas të kërkojnë “nder” nga rivalët e tyre. Kështu sipas informacioneve Elbasani ka kërkuar nga Bylisi dhe FSHF-ja që kjo sfidë të luhet në “Elbasan Arena”.
Kjo për shkak se drejtuesit kërkojnë ta kthejnë në një ditë feste ndeshjen e të mërkurës. Duke qenë se nuk ka ndonjë ndikim në kampionat ata kërkojnë që të luhet para tifozëve të tyre, me këto të fundit që të kenë mundësinë të festojnë me skadrën titullin kampion dhe ngjitjen në Superiore.
Paraprakisht është arritur një akord me ballshiotët, ndërsa pritet edhe aprovimi dhe konfirmimi nga FSHF-ja për këtë duel.
Lexo gjithashtu
