Real Madrid do t’i japë një mundësi tjetër Luka Jovic për faktin se Erling Haland do të qëndrojë në Dortmund deri në vitin 2022. Situata lidhur me të ardhmen e sulmuesit të Real Madridit, Luka Jovic duket se po sqarohet.
Sipas “AS”, marrëveshja që sulmuesi i Borussia Dortmund, Erling Haland të mbetet në Gjermani deri në vitin 2022, midis agjentit të lojtarit Mino Raiola dhe përfaqësuesve të klubit, i jep Jovicit një avantazh. Falë kësaj, serbi do të ketë kohë të dëshmojë veten me ekipin e Real Madrid.
Jovic, i cili aktualisht është duke u rikuperuar nga një dëmtim i rëndë, dëshiron të ketë një shans tjetër në Real Madrid dhe klubi duket se do ia japë këtë mundësi. Pritet që ai të jetë në gjendje të rikthehet në fushën e blertë në mes të korrikut.
Këtë sezon, sulmuesi 22-vjeçar ka luajtur 15 ndeshje për Real Madridin në La Liga, duke shënuar dy gola dhe duke siguruar një asistim. Mesatarisht, ai kaloi 26 minuta në fushë.
Lexo gjithashtu
