Bylis do të luajë këtë javë një ndeshje të rëndësishme ndaj Partizanit në shtëpi. Ballshiotët pas humbjes ndaj Kukësit kërkojnë të rikthehen te fitorja që mungon prej disa ndeshjesh e përballë do të jenë kampionët e vendit, Partizani. Mungesa e vetme në këtë ndeshje do të jetë ajo e mbrojtësit Ymeraliaj, ndërsa në një prononcim për "RTSH Sport", kanë folur mbrojtësi pukjan Andi Hadroj dhe Ntepe, autori I golit të barazimit ndaj të kuqve.
"Për mua është një ndeshje e rëndësishme përballë kampionëve, ndërsa për ekipin eshtë ndeshja e radhës. Skuadra është e plotë veç mungesës së Ymeraliaj dhe shpresojmë t'ia dalim mbanë pasi i kemi të gjithë mundësit".
Më tej në ka folur edhe mesfushorin Ntepe, autori i golit në ndeshjen e fundit ndaj Partizanit në "Selman Stermasi".
"Partizani ka një skuadër të mire, por ne luajmë në shtëpinë tonë dhe duam ta fitojmë. Kohët e fundit jemi përballur me mungesa, por jemi përgatitur për t'ia dal në këtë ndeshje. Të gjithë lojtarët dëshirojnë të shënojnë dhe mua më pëlqen të shënojë, por e rëndësishme është fitoja e skuadrës. Do të isha I lumtur nëse do të shënoja sërish".
Lexo gjithashtu
