
Fitorja 1-0 ndaj Serbisë ka ngritur “peshë” zemrat e të gjithë shqiptarëve. Një fitore karakteri nga kuqezinjtë, të cilët në Rinas u pritën si HERONJ të vërtetë nga tifozët.
Një numër i konsiderueshëm i tyre pritën ekipin në aeroport, duke i surprizuar dhe njëkohësisht duke i falenderuar për një nga fitoren më të rëndësishme dhe që do të mbahet mend gjatë.
Festa për ta ishte e gjitha legjitime, ndërsa i “vunë flakën” rrugëve e shesheve pas këtij triumfi. Mjaft emocionues është momenti kur lojtarët e Kombëtares priten në Rinas, me brohoritje e duartrokitje, ndërsa bënë krenarë të gjithë shqiptarët.
Rey Manaj është padiksutim lojtari që bëri që “shqiponja” të fluturonte lart në qiellin e Serbisë, pasi lushnjari shënoi golin fantastik në minutat shtesë të pjesës së parë. Tashmë pas këtij triumfi “ëndrra amerikane” është mëse e realizueshme.
View this post on Instagram