Mason Mount është kthyer në objektivin kryeore të Manchester United në këtë merkato vere. “Djajtë” pëlqejnë shumë karakteristikat e mesfushorit dhe kërkojnë ta kenën nën urdhrat e Erik Ten Hag për sezonin e ri.
United ka bërë ofertën zyrtare për Mount që kap shifën e 63 milionë eurove, por është refuzuar nga Chelsea, me këto të fundit që kërkojnë të mbushin arkat nga shitja e lojtarit të tyre.
Duke parë një situatë të tillë në garë ka hyrë edhe Bayern Munich. Sipas “The Guardian” bavarezët synojnë që të bëjnë të tyre mesfushorin anglez, i cili është një njohje e Thomas Tuchel, me palët që kanë bashkëpunuar te Blutë e Londrës.
Mbetet të shihet nëse kampionët në fuqi të Gjermanisë do të lëvizin me një ofertë në drejtim të Chelseat, edhe pse duket pak e besueshme që të ofrojnë mbi 70 milionë euro.
Chelsea është gati ta lejoj largimin e anglezit vetëm nëse paguhet shuma prej 75 milionë eurove, shumë që po konsiderohet e lartë si nga United ashtu edhe nga Bayern.
Lexo gjithashtu
