Një i ri shqiptar është bërë protagonist me fanellën e New York Red Bulls. Adri Mehmeti, 19 vjeç ka debutuar me këta të fundit në ndeshjen përballë Juarez në orët e para të mëngjesit.
Koha e rregullt dhe shtesa u mbyllën në barazim me shifrat 1-1, por New York Red Bulls ishin më të saktë nga penalltitë. Adri Mehmeti bëri debutimin e tij me klubin amerikan në këtë sfidë.
Në minutën e 75-të të takimit, Wiktor Bogacz u largua nga fusha e lojës për t’i lënë vendin mesfushorit me origjinë shqiptare. Gjithashtu, mesfushori i talentuar është komplimentuar nga New York Red Bulls në faqen zyrtare.
“Lojtari i rritur tek ne bën debutimin e tij në ekipin e parë. E merituar, Adri!”, shkruan klubi amerikan. Adri Mehmeti aktualisht luan për SHBA-në e moshave U-15, ku ka kryer 7 paraqitje dhe një gol. Gjithashtu ka luajtur edhe për Shqipërinë U-15, 3 ndeshje dhe një gol.
Lexo gjithashtu
