Një ngjarje e rëndë ka ndodhur në Ekuador, ku një gjyqtar është qëlluar për vdekje në mes të një ndeshjeje futbolli, pasi disa persona të armatosur hynë me forcë në fushë dhe hapën zjarr.
Viktima është Javier Ortega, 48 vjeç, i cili u vra teksa po arbitronte një ndeshje lokale amatore, para syve të lojtarëve dhe tifozëve. Ngjarja ndodhi të dielën në qytetin Pasaje, në provincën bregdetare El Oro.
Sipas dëshmitarëve, disa persona të armatosur iu afruan gjyqtarit gjatë zhvillimit të ndeshjes dhe hapën zjarr përpara se të largoheshin nga vendi i ngjarjes.
Ndërkohë, portali lokal LA100 raporton se lojtarët dhe spektatorët u detyruan të vraponin për t’u fshehur, ndërsa shpërtheu dhuna.
Shërbimet e emergjencës mbërritën menjëherë në vendngjarje, por Ortega u shpall i vdekur. Autoritetet lokale rrethuan zonën, ndërsa ndeshja u ndërpre menjëherë. Klubi organizator njoftoi pezullimin e të gjitha ndeshjeve deri në një njoftim të dytë.
Lexo gjithashtu
