Mario Balotelli
Megjithëse ka vetëm 2 muaj që është bashkuar me skuadrën e Genoas, Mario Balotelli duket se ka marrë një vendim tashmë. Ish-sulmuesi i kombëtares italiane mund të largohet nga klubi që në janar.
Sipas prestigjiozes italiane “Gazzetta dello Sport”, “SuperMario” ka marrë një ofertë të bujshme nga Meksika. Bëhet fjalë për skuadrën Cruz Azul, që thuhet se i ka ofruar italianit 2 milionë euro në vit, pesë herë më shumë sesa përfiton aktualisht.
Deri të martën Genoa dhe Mario Balotelli pritet të ndërpresin kontratën mes palëve. Me 6 paraqitje këtë sezon në Serie A, 34-vjeçari nuk ka arritur të shënojë asnjë gol të vetëm.
Poll
Lexo gjithashtu
