Pas pak minutash do të nis dueli mes PSG dhe Tottenham, e vlefshme për Superkupën e Europës. Në “letër” francezët janë ndjeshëm më të favorizuar, por “Gjelat” e Londrës do kërkojnë të realizojnë befasinë e madhe, ashtu siç bënë në finalen e Europa League kundër Manchester United.
Trajneri i Parisit, Luis Enrique i rreshton të tijtë me formacionin “modern” 4-3-3. Në portë është “surpriza” Chevalier, i cili ka pak ditë që është bashkuar me kampionët e Europës. Në kushtet ku mungon i pezulluari Neves, “timonieri” spanjollë i ka besuar pozitën e titullarit Zaire-Emery, ndërsa treshja ofensive përbëhet nga Barcola-Dembele-Kvaratskhelia.
Kundërpërgjigja e trajnerit të ri te Tottenham, Thomas Frank është me e “vakët” me emra. Spence-Richarlison-Kudus përbëjnë “tridhëmbëshin” e “Gjelave” në këtë duel, teksa janë të padisponueshëm Kulusevski apo Maddison.
Lexo gjithashtu
