Manchetser City është tërhequr nga gara për të nënshkruar me yllin e Bayer Leverkusen Florian Wirtz, pasi zbuluan se një marrëveshje mund t’u kushtonte atyre gjithsej 252 milionë funte.
Kjo shifër, ekuivalente me 300 milionë euro, përfshin tarifat e transferimit dhe pagat, gjë që do ta bënte atë marrëveshjen më të madhe në historinë e Cityt.
Wirtz, 22 vjeç, ka shënuar 16 gola dhe ka dhënë 15 asiste në të gjitha garat për Bayer të Xabi Alonsos këtë sezon dhe konsiderohet gjerësisht si një nga talentet kryesore në futbollin evropian.
Sipas “BBC”-së , thuhet se City është i shqetësuar se marrëveshja është “e ekzagjeruar” dhe për këtë arsye nuk përfaqëson vlerë për paratë. Ky veprim nga finalistët e mposhtur të Kupës FA Cup i lë kampionët e Premier League, Liverpoolin, dhe kampionët e Bundesligës, Bayern Munich, si favoritë për të siguruar shërbimet e Wirtz.
Lexo gjithashtu
